Daniele Da Chinazzo

Cronaca de la guerra tra Veniciani
e Zenovesi (1386)

 

[c. 1r] Corando i ani del nostro signor jesu Chrísto M°CCCLXXVJ el regnava uno imperador in Chostantinopoli che aveva nome Chaloiani. Et aveva pluxor fioli, di qual el n'aveva uno che aveva nome Chierandronico, el qual fiol se metè in animo de tuor la segnoria al pare in quel tempo cum alturio de molti suo amìxi della terra e circumstanti d'intorno, per muodo ch'el tratado andò falido al dito fiolo, de lo inperador. E ffo prexo questo fiol de lo inperador e agrevando el pare de farlo morir, se deliberò de farlo adorbar azò che mai più el non se metese in animo de far tal cossa contra de lui, e felo adorbar in questo muodo, che, parendoge tropo crudel chossa a farge chavar i ochii, ello el fe' abaçinar E ssiando cussì adorbado questo Chierandronicho, el pare fo contento ch'el fesse la vita soa in Pera in uno luogo de frari. E questa iera una citade habitada per homeni zenovexi, la qual è larga da la cità de Chonstantinopoli men de do balestrade, e un chanal d'aqua parte una tera da l'altra.

E sapia tute persone chomo el dito Chaloiani imperador de Chostantinopoli era in quel tenpo tanto amigo della Segnoria de Veniexia in quanto più podesse esser stado, e per tal muodo che in Chostantinopoli vegniva veçudo e tratado ogni Veniciam sora a tute generacion del mondo, de che Zenovexi, che sempre ave in odio Veniciani, e simel tuti queli de Pera, che iera Çenovexi, portava in l'animo suo grande ira e melinchonia de çò che l'inperador tratava Veniciani cum tanto amor. De che Zenovexi e quelli de Pera se mete in animo de tegnir muodo ch'el dito inperador Chaloiani fosse tolto de segnoria e ocultamente tene questo muodo in processo tempo.

Abiando quei de Pera el dito Chierandronicho fiol de lo inperador in la sua terra stancievele e siando el dito avogolado ma non per muodo ch'el non vedesse alguna cossa, quelli de Pera sape tegnir muodo cum miedixi e cum medexine de far redur e tornar la vista tanto quanto i pote a questo fiol de lo inperador e felo per muodo ch'el dito vedeva assa' bem che bastava. E fato questo i diti de Pera se concorda con lo dito Chierandronicho de esser in aida e sussidio e doverlo meter in segnoria dello imperio de Chostantinopoli e desmeter el pare con alguni pati e condicion, ch'el dito fiol dello inperador dovesse dar a Zenovexi lo chastello de Tenedo, el qual si è la chiave della bocha a tuti queli del mondo che voia navegar in lo Mar Maçor çoè ala Tana, in Trabexonda et in assa' altre parte, et anchora che el dito fiol dello imperador dovesse sempre tegnir per so conseio alguni zenovexi et assè altre cosse tute favorevele de Zenovexi e abasamento de Veniciani, che serave longo a scriver.

***

A dì .IIJ. de decembrio da matina se partì del champo da Mestre da lançe .Lta. [sincuànta] da chavalo, fo in tuto da chavagli LXX. e da pedoni .L., per far schorta a un miser Jachomo Valareso, el qual vegniva mandado per la Segnoria chapetanio in Noval e cum lor andava charete XXX de oio, sal, charne salada, formajo et altre chosse necessarie, che era molto senestro de vituaria. Et partidi chostor da Mestre, avanti che i çonçesse in Noval, i fo arsaltadi da la çente del Segnor de Padoa, i qual fo Ongari e çente d'arme, per muodo che la çente de la Segnoria fo roti e prexo el dito miser Jachomo Valareso con tute le charete e vituaria, e tuta la çente da pe' et da chavalo, fuora da homeni .VIIJ. da chavalo, i qual se redusse a Mestre.

Et in quel dì proprio, fo de merchore, se partì dal champo da Mestre da lançe LXX da chavalo per far scorta a stara .IIJc. [= trèxénto] de formento che andava a Trevixo e çonse a salvamento dentro. E la çuoba seguente da matina, avanti che la dita brigada se partisse de Trevixo, el parse in su la Spineda da San Pale de sora Trevixo pluxor da chavalo de quel da Padoa. Onde i diti soldadi de Ia Segnoria de' fuora de Trevixo sì presto, che avanti che quelli da Padoa se podesse redur al so aguaito i fo roti e prexi de lor da XVJ da chavalo e mandadi in Trevixo, continuo batando i nemixi fina a preso Sancta Maria da la Charitade. E çonti lì el se descuverse l'aguaito de la dita çente da Padoa, e fo adoso a la dita çente de Veniciani. Et adeso la brigada de Veniciani, vedendo cholor sì grossi, per sostegnir più e far so honor saltà tuti a pe' cum le lançe in man e per lo simele fexe l'altra brigada e fo gran meschia de l'una parte e de l'altra, per tal che la çente de la Segnoria, che se trovà esser lì, se convene render, fo da XVIIJ boni homeni chavi de lança e molti suo compagni, i qual tuti fo conduti a Ie chastelle del Padoan, da puo' relassado segondo uxança de guera.
 
 


Venetan Texts Main Page
Venetan Language Main Page

Modern Romance Languages Main Page
Orbis Latinus Main Page

This page is part of Orbis Latinus
© Zdravko Batzarov